Vaksne
Uønska åtferd
Nilssen, Olaug • 2023
Anbefaling
Sterkt, sårt og intenst familiedrama
Ingen skriv som Olaug Nilssen om det å vera pårørande til eit psykisk utviklingshemma barn med autisme. At det er ein intens og utmattande kamp får Olaug Nilssen fram på ein måte som rører lesaren sterkt, men som ikkje er utan ein porsjon svart humor.
Anne Mo
Ryfylkebiblioteket Suldal
Om boka
Kor går grensa for kva ein skal ofre for eit barn? Katrine er gift med Gunnar, saman har dei barna Jostein og Janne. Sonen er psykisk utviklingshemma, og familielivet er fullstendig dominert av omsorgsbehovet hans. Dottera er oversett, men også utsett då Jostein kjem i puberteten og utagerer seksuelt. «Uønska åtferd» viser fram kor krevjande det er for ein familie å ta vare på alle når ein har eit barn som treng alt. I kampen for sonen er Katrine i ferd med å miste alt, ekteskapet, forholdet til dottera, men også seg sjølv.