Lesekalenderen - til alle 4-åringar i Suldal

Med pengestøtte frå Sparebanken Vest har Ryfylkebiblioteket Suldal fått trykt opp ein Lesekalender til utdeling på helsestasjonen for alle barn som blir fire år frå 2024. Dei som ønskjer å gi Lesekalenderen til barnet sitt som blei fire i 2023, kan henta han på biblioteket. Lesekalenderen er både ei nettside: lesekalenderen.no og ein fysisk kalender med 21 luker. Begge stader finn ein lesetips for aldersgruppa 3-6 år. På biblioteket har me bøkene som blir omtalt, eller me kan bestilla dei inn. Når alle lukene er opna, kan barnet ta med seg kalenderen til biblioteket og få ei gåve.