Suldal kommune

To gonger i vår, 19. mars og 29. april, vil me i Ryfylkebiblioteket Suldal testa ut metoden shared reading. Me er så heldige at me har fått Anne Elisebeth Skogen til å leia samlingane for oss. Ho har lært seg shared reading-metoden på kurs hos Fylkesbiblioteket i Rogaland. Metoden er utvikla av Jane Davis i Liverpool, men er tatt i bruk mange stader i verda, m.a. i Noreg.

Samlesing er ein lesesirkel der ein ikkje les teksten på førehand. Deltakarane kan delta gjennom å reflektera omkring teksten saman med ein leseleiar eller ved å lytta.

Leseleiaren, Anne-Elisebeth, vel ut ei novelle eller eit utdrag av ein tekst, og eit dikt. Deltakarane får ikkje vita tekstane på førehand. Leseleiaren les høgt og leier ein reflekterande og undrande samtale om leseopplevinga. Målet er ikkje å analysera tekstane, men å oppleva og undra seg over tekstane saman. Deltakarane sine forskjellige perspektiv og opplevingar av teksten kan utvida leseopplevinga og horisonten for dei som deltek.

Samlesing er ei litterær, personleg og sosial oppleving. Det handlar om gleda ved å lesa og å dela opplevinga av ein tekst i fellesskap. Høgtlesinga gir ro og nærvær, ein seinkar tempoet og aukar fokuset.

Shared reading blir brukt i bibliotek, innanfor helse- og skulesektoren, i fengsel og rusomsorg og i frivillige lag og organisasjonar.

Me håpar du har lyst å vera med i denne opne lesesirkelen. Sidan me ikkje kan vera for mange i ein lesesirkel, må du melda deg på ved å senda e-post til 

 Første samlinga er i biblioteket på kulturhuset, og samlinga i april blir i dagsturhytta på Jelsa.

WINTERFERIE: Den fjerde boka om Ingrid Winter, ho med det herleg skakke (og gjenkjennelege) familielivet og den hysterisk morosame akademikartilværet, kom ut i vinter. No kjem Janne Stigen Drangsholt til Ryfylkebiblioteket på Sand for å snakka om Ingrid Winter, om forfattarskapen og kanskje også om podkasten Aftenbla-bla som går live i kulturhuset same kvelden?

BLI MED på forfattarvitjing i allrommet på kulturhuset onsdag 8. november kl. 12.00.

Arrangør: Ryfylkebiblioteket Suldal og Kulturhaust Ryfylke

Storemonster og Veslemonster er bestevener. Dei har det alltid kjekt i lag. Men ein dag, då Storemonster vil leike, kan ikkje Veslemonster, for Raggmonster er på besøk. Det er ikkje noko moro å leike aleine. Skal tru om dei kan leike saman alle tre? I denne vesle figurteaterframsyninga om kor vanskeleg det er å vere tre, møter du Lys levende Adele i alle rollane.

Framsyninga er gratis, den varar i om lag 30 minutt, og passar for heile familien, frå 3 år og oppover.

Monsterbesøk byggjer på den nynorske biletboka med same namn av Áslaug Jónsdóttir, Rakel Helmsdal og Kalle Güettler, og Tove Bakke har omsett. Denne boka er den femte i den populære serien frå denne svensk/færøysk/islandske forfattartrioen. Framsyninga er støtta av Bibliotekutvikling Vestland og Folkeakademia i Vestland og Sogn og Fjordane.Monsterbesøket i Ryfylke er i regi av Kulturhaust Ryfylke.

Fredag 17. kjem Olaug Nilssen til Kulturhuset i Suldal som del av ein miniturne som mållaga i Strand, Hjelmeland og Suldal arrangerer. Med Judith Sørhus Litlehamar som samtalepartnar vil ho snakka om Uønska åtferd som kom i haust. I boka møter me ein familie der det eldste barnet er utviklingshemma autist. 

Dette er tredje romanen Olaug Nilssen skriv om funksjonshemma born, det krevjande kvardagslivet i familiane deira, og det som foreldre og omsorgspersonar opplever meir som ein kamp mot eit offentleg hjelpeapparatet enn eit samarbeid. Den første boka om temaet, Tung tids tale, gav henne både Nynorsk litteraturpris og Brageprisen. Yt etter evne, få etter behov fekk P2-lyttarene sin romanpris. Alle tre bøkene er både sterke og vonde, og me føler med dei som skal kjempa ein kamp både for barnet, men også av og til mot det. 

I Uønska åtferd skildrar Olaug Nilssen at alt blir endå vanskelegare når den snart vaksne sonen sine seksuelle kjensler blir påtrengande for alle rundt han. Det er ein desperat situasjon som tøyer familiebanda til det ytste.

Mållaget serverer kaffi og kaker. Vel møtt til ein innhaldsrik fredagskveld!

Bjørn F. Rørvik er forfattaren bak dei mange og utruleg morosame bøkene om Reven og Grisungen. Boka Vaffelfisken er årets Heile Rogaland les-bok som me har delt ut gratis i biblioteket sidan 16. september. Nå kjem forfattaren sjølv og les og fortel frå boka si. Har du ikkje høyrt Rørvik lesa før, har du noko å gle deg til! Kan du ikkje venta til 22. november, kan du f.eks. høyra han lesa Vaffelfisken i Allbok.

Kvifor er det så mykje ved kvinnekroppen me ikkje veit noko om? Korleis havna eigentleg kvinnehelse i medisinen si blindsone?

Velkommen til føredrag med Liv Bjørnhaug Johansen, sjukepleiar, kulturhistorikar og forfattar av boka "Diagnose: kvinne. Hvordan kvinnehelse havnet i medisinens blindsone".

Pris 100 kr per person, 50 kr for medlemer i Sand BKL og Sand sanitetsforening. Kjøp billett i skranken når du kjem.

Utlodding, kaffi og kaker



Barneteater i vinterferien: Eventyret om pannekaka er ei omsetjing av eit eventyr av Asbjørnsen og Moe. I denne versjonen føregår alt på rampete rim, og vert framført som fysisk fortellarteater.

Møt Kone Krone, Gamlefar, Sju Skrikarungar, Mann Brann, Høne Pøne, Hane Pane, Ande Vande, Gåse Våse, Gasse Vasse og Gylte Grisesylte der dei alle prøver å ta kål på Pannekaka!

«Med munnharpe og gitar som einaste hjelpemiddel, framførte Peder Opstad frå Teater Grimsborken sin morosame og fine framsyning.

Heile framsyninga føregjekk på rampete rim. Med Peder sitt spel levande gummiansikt og andre rare fakter, vart dette ei fornøyeleg oppleving for liten og stor.» (Ringerike bibliotek)

«Stor takk til Peder Opstad frå Teater Grimsborken. Han spelte munnharpe og gitar, og framførte "Eventyret om Pannekaka" på rampete rim. Fysisk forteljarteater på sitt beste!» (Nord-Fron bibliotek)

Teater Grimsborken vart starta av Peder Opstad i 1998. Teateret sin mest aktive periode har vore mellom 2002 og 2016, der dei produserte 21 framsyningar, som vart spelt over 4000 gonger for over 360.000 barn, unge og vaksne over det ganske land. Heile 32 skodespelarar har i nemnde periode vore engasjert på kortare eller lengre engasjement. Dei har hatt 3 co-produksjonar: Helt på tuppa! (med Sogn og Fjordane Teater), Vesleblakken (i 2012 med Teater Innlandet) og Eit juleeventyr (i 2016 med Teater Innlandet) I 2011 vann Teater Grimsborken «Elevanes favoritt» for framsyninga Bjørnson unplugged, som forresten er deira mestspelende produksjon (rundt 740).

Peder Opstad har også jobba som skodespelar, kunstnarisk rådgivar og dramaturg ved Akershus Teater. Etter ein lengre periode med andre prosjekt tek Peder opp att Teater Grimsborken sine kjende og kjære framsyningar for barn frå hausten 2021. Vesleblakken, Geitekillingen som kunne telje til ti og Eventyret om pannekaka har vore spelt for massevis av barn fram til 2016. No vert det endeleg mogleg for nye teaterglade små å sjå desse att!

Haldne arrangement

Kontakt

Sånn bruker du biblioteket

Nettstaden

Kontakt

Sånn bruker du biblioteket

Nettstaden

Haldne arrangement

Shared reading

Eventyret om Pannekaka

"Diagnose: Kvinne" Foredrag med Liv Bjørnhaug Johansen

Bjørn Rørvik les Vaffelfisken

Olaug Nilssen

Forfattarprat med Janne Stigen Drangsholt

Monsterbesøk i dagsturhytta Kvilehaugen

Kontakt

Sånn bruker du biblioteket

Nettstaden